التدخين يترك اثر ورائحة قوية على الملابس واليدين ولذلك الاشخاص المدخنين يحتاجون عطور تختلف عن عطور الاشخاص اللي مايدخنون, وهالشي مو علمود نخفي ريحة الدخان, بالعكس عطور المدخنين تمتزج وية ريحة الدخان بطريقة تنطيك عطر جداً انيق وتترك انطباع عند المقابل ماينسي, ولذلك عطر المدخن لازم يكون عطر شرقي بأمتياز وثقيل نوعاً ما ,يفضل انو يكون يحتوي على وحدة او اكثر من النوتات الشرقية مثل العنبر, المسك, العود وممكن لمسة دافية من الفانيلا اللي امتزاجها وية ريحة الدخان تنطي طابع كلش فخم وقو

العطر مو مجرد ريحة حلوة, العطر لغة غير منطوقة, لغة بدون حروف تعبر عن حضورنا وعن جاذبيتنا وعن مزاجنا وعن نظرة الناس النا, رشة عطر قادرة انو تغير مزاجنا وترفع ثقتنا بنفسنا بدون اي كلام. اكيد تريدون تعرفون شلون العطر يسوي هذا كله ؟ من نخلي عطر نحبه راح يصير مثل العلاج النفسي ليش؟ من ترش عطر تحبه راح ترتاح , تكدر تتحرك بثقة اكثر , لاارادياً  من تشم عطرك اللي انت تحبه راح تبتسم وهالشي راح يأثر على مزاجك ويغير نفسيتك وبالتالي يرفع ثقتك بنفسك , بس شنو السبب؟ السبب لـأن الروائح ترتبط

وية برودة الجو ذوقنا يتغير ونحتاج عطر دافي يدفينا ويكسر برودة الجو علينا ,بهالجو البارد متكفينا الروائح الخفيفة المنعشة نحتاج عطورعميقة وثابتة وفواحة اكثر ,نحتاج عطور معقدة بتركيبتها لأن البرد يأثر على العطر , بالشتا العطر يتحلل ابطأ , العطور المعقدة تبدي تتحلل بالتدريج وبالتالي ثباتيتها تكون اقوى , الشتا بالنسبة الي هو الموسم الرسمي لهواة العطور. العطور الشتائية غالباً تحتوي على العنبر , العود , الفانيلا , الخشب , الفحم , الجلد , الباتشولي , التوابل والتبغ. هاي المكونات تنطي

هواية مرات يعجبنا عطر بالمحل نشتريه ورة مرة مرتين من الاستعمال مانحبه ونحسه مو هو هذا العطر اللي اختاريناه , السبب مو العطر تغير , بس الخلل بطريقة  تذوقنا واختبارنا للعطر. العطر مو مجرد رشة وعطر طيب , العطر مراحل تختلف وية الوقت ومن جلد لجلد ثاني. راح انطيكم كم نصيحة حتى تعرفون تختارون عطركم صح: اول نصيحة , لاتختبر او تشم اكثر من 3 عطور بالمرة الوحدة, الخشم يتعب بسرعة وبعد ميميز ورة ثالث عطر, لازم تكون اكو استراحة بين عطر والثاني . مبدئياً نبدي تذوق العطر بالورق قبل الجلد حتى

العطور الها اعمار مختلفة , اكو عطور تنتهي نكهتها بعد فترة قصيرة واكو تدوم وياك سنين , بس شلون نعرف عمر العطر ؟ كل علبة عطر يجي عليها تاريخ انتهاء ... سنة ,سنتين , اكثر (24) (12) وهالعمر يتحدد مو من تاريخ الصنع , العمر يتحدد من تاريخ اول رشة من نفتح العطر ويدخله هوه , من اول رشة يبدي التخزين الصحيح . العطور المنعشة (الحمضيات والعطور المائية والعشبية) اقل العطور عمراً لأن مكوناتها حساسة وتتلف وتضعف بسرعة  (من1 _الى 3) سنوات  . العطور الزهرية  عمرها متوسط  تعيش من (3_5) سنوات .

اني فتاة عراقية اسكن في بغداد واعمل بمجال طب الاسنان ومجالي بعيد كل البعد عن العطور بس من زمان تستهويني العطور واعتبر نفسي هاوية عطور ، العطور بالنسبة الي مو شي اضافي ، هي شي اساسي تعكس هوية الشخص ومزاجه وتقلباته العاطفية وتعبر عنه وعن حضوره بالمكان. وهنا اكيد دتتسائلون انو اني طبيبة اسنان ليش دااحجيلكم عن العطور جايتكم بالتفاصيل، قبل 3 اشهرتقريباً واجهت مشاكل صحية تخص شغلي كطبيبة اسنان ف كعدت بيني وبين نفسي افكرشنو ممكن اسوي غير شغلي بالطب، اجتني الفكرة لمعت بعقلي مثل الخيال